《བོད་ཀྱི་བརྡ་ཆད་སྤྱི་བསྒྲགས་ཕྱོགས་བསྒྲིགས》འགྲེམས་སྤེལ་བྱས་པ།

   ཉེ་ཆར། མཚོ་སྔོན་ཞིང་ཆེན་བོད་ཀྱི་བརྡ་ཆད་ཚད་ལྡན་ཞུས་བཤེར་གཏན་འབེབས་ཨུ་ཡོན་ལྷན་ཁང་གི་གཞུང་ལས་ཁང་གིས་བསྒྲིགས་པའི《བོད་ཀྱི་བརྡ་ཆད་སྤྱི་བསྒྲགས་ཕྱོགས་བསྒྲིགས》འགྲེམ་སྤེལ་བྱས་ཤིང་། དེའི་ནང་དུ1999ལོ་ནས2013ལོའི་བར་སྤྱི་བསྒྲགས་བྱས་པའི་སྤྱི་ཨང་དང་པོ་ནས་ཞེ་ལྔའི་བར་གྱི་བརྡ་ཆད་ཡོངས་གཅིག་བསྡུས་བྱས་ནས་བསྒྲིགས་འདུག

                              

　《བོད་ཀྱི་བརྡ་ཆད་སྤྱི་བསྒྲགས་ཕྱོགས་བསྒྲིགས》ནང་དུ་སྲིད་འབྱོར་རིག་གསུམ་དང་། ཆ་འཕྲིན། འཚོ་བ། ཁོར་ཡུག་སོགས་དེང་དུས་ཀྱི་སྤྱི་ཚོགས་སྟེང་སྤྱོད་ཆེ་བའི་བརྡ་ཆད་གསར་བ་རྣམས་གོ་སླ་ཞིང་དོན་འདུས་པའི་སྒོ་ནས་གཏན་འབེབས་བྱས་ཡོད་པར་མ་ཟད། མདོ་དབུས་ལྕགས་ལམ་འགྲམ་རྒྱུད་ཀྱི་ས་མིང་དང་དམག་དོན་སྐོར་གྱི་བརྡ་ཆད། མདའ་རྩེད་སྐོར་གྱི་བརྡ་ཆད། དངུལ་ལེན་འཕྲུལ་ཆསATMསྟེང་སྤྱོད་པའི་མིང་ཚིག་བཅས་རིགས་དགར་ནས་ཟུར་དུ་བཀོད་ཡོད་པ་རེད།